ન તો સ્ટેડી જોબ છે, ન તો 8 કલાકની ડ્યુટી, છતાં છોકરી વાર્ષિક 80 લાખ કમાય છે!
23 વર્ષના એક કોલેજ સ્ટુડન્ટે સરળતાથી દર વર્ષે 80 લાખ રૂપિયા કમાવવાનો રસ્તો શોધી કાઢ્યો છે. આ માટે તેણે સતત કામ કરવાની જરૂર નથી.
સારું જીવન જીવવા અને પરિવાર ચલાવવા માટે દરેક વ્યક્તિ નોકરી તો કરે જ છે, પરંતુ કેટલાક લોકો એવા હોય છે, જેમને તેવી નોકરી મળે છે, જેમાં તેમને રસ હોય છે. આવી જ એક છોકરી છે, જે પોતાની ઈચ્છા મુજબ કામ કરે છે. આવા કામમાં તેને સંતોષ પણ મળે છે અને પૈસા પણ. વિચારો, આનાથી સારું શું હોઈ શકે?
ન્યૂયોર્ક પોસ્ટના રિપોર્ટ અનુસાર, અમેરિકાના હ્યુસ્ટનમાં રહેતી ગ્રેસ રયુ નામની છોકરી એક એવું કામ કરે છે, જે તેની પર્સનલ અને પ્રોફેશનલ લાઈફને બેલેન્સ કરે છે. તે પોતાની રુચિ પ્રમાણે જ કામ કરે છે અને તેમાંથી જબરદસ્ત કમાણી કરી રહી છે. તે કહે છે કે તેણે જીવનમાં ક્યારેય 9 થી 5 કામ કરવાની ઈચ્છા નથી રાખી.
23 વર્ષીય કોલેજ સ્ટુડન્ટ ગ્રેસ રિયુએ વર્ષે 96,000 ડૉલર એટલે કે 80 લાખ 15 હજાર રૂપિયાથી વધુ કમાવાનો રસ્તો શોધી કાઢ્યો છે. આ માટે તેણે ક્યાંય સ્થિર રહીને નોકરી કરવાની જરૂર નથી. ગ્રેસ કહે છે કે, તે મજાની વાત છે કે, તમે જ્યાં પણ અને જ્યારે પણ તમને મન થાય ત્યારે, કામ કરવાનું શરૂ કરી શકો છો. તે હોસ્પિટાલિટીથી લઈને ટેક્નોલોજી અને સેલ્સ સુધીની નોકરીઓ કરે છે. જોકે તેણે ટેક્સાસની યુનિવર્સિટીમાંથી રિક્રિએશન, પાર્ક અને ટૂરિઝમ સાયન્સનો અભ્યાસ કર્યો છે, જ્યારે, સાથે સાથે તે કામ પણ કરી રહી છે.
તેણે ન્યૂયોર્કમાં થોડા મહિનાઓ માટે લિવ-ઇન આયા તરીકે કામ કર્યું. બે મહિના પછી, તે ટેક્સાસ પાછી આવી અને પાર્ટ-ટાઈમ આયા તરીકે કામ કરવા લાગી. આ સિવાય તેણે ટેક સેલ્સ અને એકાઉન્ટ મેનેજર તરીકે પણ કામ કર્યું હતું. ડોગ વોકર, સર્જક, ટિકટોક પાર્ટનર પ્રભાવક, માર્કેટર બનવા જેવી ઘણી ફ્રીલાન્સ નોકરીઓ કર્યા પછી, તે તેના માતાપિતાના ઘરે રહેવા કોરિયા ગઈ. તેની પાસે એક ઘર પણ છે, જે તે ભાડે પણ આપે છે. તે હવે આ પૈસાનું રોકાણ કરે છે અને આજુબાજુ ફરતી રહે છે. ગ્રેસ કહે છે કે, તે ક્યારેય નોકરી કરવા માંગતી નથી અને આ રીતે જ જીવવા માંગે છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
