એલન મસ્ક અત્યારે ભારત નથી આવી રહ્યા... ટૂર મુલતવી, કારણ સામે આવ્યું

ટેસ્લાના CEO એલન મસ્ક ભારત આવતા નથી. જો કે મુલાકાત મુલતવી રાખવાનું કારણ હજુ સુધી જાણી શકાયું નથી, એવું માનવામાં આવે છે કે ટેસ્લાના પ્રથમ ત્રિમાસિક પરિણામો વિશેના પ્રશ્નોના જવાબ આપવા માટે 23 એપ્રિલે USમાં કોન્ફરન્સ કોલને કારણે મસ્કની મુલાકાત મોકૂફ રાખવામાં આવી છે.

એલન મસ્કે પોતે એક્સ પ્લેટફોર્મ પર આ માહિતી આપી છે. વધુમાં, મીડિયા સૂત્રોના અહેવાલમાં એમ પણ કહેવામાં આવ્યું છે કે, ટેસ્લાના માલિક એલન મસ્ક અત્યારે ભારત નથી આવી રહ્યા અને ટેસ્લાના ત્રિમાસિક પરિણામો વિશે માહિતી આપવા માટે 23 એપ્રિલે હાજર રહેશે. બીજી તરફ, એવું કહેવામાં આવી રહ્યું હતું કે એલન મસ્ક 21 અને 22 એપ્રિલે ભારતની મુલાકાત લઈ શકે છે. જોકે, હવે એલન મસ્કના ટ્વીટના કારણે ભારત પ્રવાસ સ્થગિત કરવામાં આવ્યો છે.

એલન મસ્કે એક પોસ્ટના જવાબમાં લખ્યું કે, દુર્ભાગ્યવશ, ટેસ્લાની ભારે જવાબદારીઓને કારણે ભારતની યાત્રામાં વિલંબ થયો હતો, પરંતુ હું આ વર્ષના અંતમાં પ્રવાસની ખૂબ જ આતુરતાથી રાહ જોઈ રહ્યો છું.

Unfortunately, very heavy Tesla obligations require that the visit to India be delayed, but I do very much look forward to visiting later this year.

— Elon Musk (@elonmusk) April 20, 2024

મીડિયા સૂત્રોના અહેવાલમાં જણાવાયું છે કે, એલન મસ્ક સોમવારે PM નરેન્દ્ર મોદીને મળવાના હતા અને ટેસ્લાના ભારતમાં પ્રવેશ અંગેની જાહેરાત પણ કરવાના હતા, પરંતુ હવે આ યોજના રદ કરવામાં આવી છે. મસ્કે ભારતની મુલાકાત કેમ મુલતવી રાખી છે તે અંગે મીડિયા સૂત્રએ કોઈ માહિતી આપી નથી. અહીં તમને જણાવી દઈએ કે, 10 એપ્રિલના રોજ એલન મસ્કે પોતે X પર પોસ્ટ કરતી વખતે PM નરેન્દ્ર મોદીને મળવાની આતુરતા વ્યક્ત કરી હતી.

એલન મસ્ક ભારતમાં ટેસ્લા પ્લાન્ટ સ્થાપવાની શક્યતાઓ અને દેશમાં મોટા રોકાણને લઈને ભારત આવવાના હતા. મીડિયા સૂત્રોના અહેવાલમાં દાવો કરવામાં આવ્યો છે કે, મસ્ક ભારતમાં ફેક્ટરી બનાવવા માટે 2 થી 3 અબજ ડોલરના રોકાણની જાહેરાત કરી શકે છે. કારણ કે સરકારે ઈમ્પોર્ટ ટેક્સ પરના ઊંચા ચાર્જને ઘટાડવા માટે નવી પોલિસી જાહેર કરી હતી, પરંતુ શરત એવી હતી કે કંપની સ્થાનિક સ્તરે રોકાણ કરશે તો જ તેનો લાભ મળશે.

એલન મસ્કનો ભારતમાં કુલ 48 કલાકનો કાર્યક્રમ હતો, જે દરમિયાન એલન મસ્ક PM નરેન્દ્ર મોદીને મળવાના હતા. આ પછી, સ્પેસ સ્ટાર્ટઅપ્સ અને બિઝનેસ લીડર્સને મળવાના હતા. પરંતુ હવે આ પ્રવાસ સ્થગિત થવાથી શિડ્યુલ સંપૂર્ણપણે બદલાઈ જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.